金牌大匯演

今日去左睇金牌運動員大匯演
睇唔到表演睇呢個大匯演都唔錯呀~
不過就快熱死同累死~搭車又多人..
去到又多人~坐到張登都出水呀~
雖然要坐到好高..不過個景都幾好

睇完要行返落cwb~球場出面有人示威..
跟住d人又起哄..塞住晒
我淨係想行ja..唔好搞到我呀~大佬

係cwb搵食~左等等右等等..最終頂唔順...
搵間冇人排ge元綠食算~
人大左..操勞一陣都好似攞我命咁..無奈

**奧運**馬術

19/8/2008

今日去左睇奧運馬術...

雖然去唔到北京睇奧運..

但係可以係香港參與其中一個項目..

呢個經驗將會係畢生難忘~我

相信係我有生之年中國都好少機會再有第二次..

除非我飛去果度睇啦~

唔使怕早到會冇野做..比賽場地出面都好熱鬧..

外國既觀眾好矚目..好正..

又有得同福娃影下相咁..消耗下時間

聽評術真係唔同d..起碼知道發生咩事..

原本都驚會悶..但係又唔會wo~

d馬好可愛..好得意..

搞到我都有d想去學騎馬~

睇到後段都幾刺激..往往有好多意想不到既結果..

親眼睇到頒獎~雖然係荷蘭既選手..

不過都好登佢開心呀..

i don't know

新家正在裝修中..相信考完試就會搬
心情有點興奮..但亦有點忐忑
會唔慣嗎..?我不知道..
但這是必然的事實..
可以有自己的天地..未嘗不是好事..
忙於功課的這陣子..也忙於決定如何裝橫一下..
雖然諗點襯點襯係好開心..
不過有錢就係咁講姐..冇錢就好煩..
資金有限..地方有限..好多野都唔做得~
有d野又要等裝修完先置..期待中..

今天..背負著十三億人希望的劉翔因傷退出比賽...
苦練四年都係為左呢個奧運..
但係因傷出唔到賽~好心痛..好可惜
不過唔緊要...身體緊要呀..
萬一勉強比賽而導致退役的後果..
那未免這個賭注也太大了~
大家會體諒的..support...

add oil

終於有啖氣可以抖..
呢個禮拜真係忙到嘔..
雖然係咁..仍然不減我對奧運既興趣..
日日一起身就睇..完全沉醉係奧運入面
一見到中國運動員拎金牌..一奏起中國國歌的一刻..
真係好感動..好為自己係中國人而感到驕傲..
往往有好多出人意表令人驚喜既結果..
但亦都係奧運好睇之處既地方..

中國!!繼續加油呀...!!

北京奧運開幕啦

為左睇北京奧運開幕..

present完即衝返屋企~

搞掂晒所有野~坐定定等開幕~

真係好期待..因為太鐘意睇奧運

張藝謀無令中國人失望..反而令我好proud of自己係中國人..

原以為只是一個普通的開幕式..

但竟讓人驚嘆..充分表現中國既歷史文化..

中國的人海戰術真係好震撼...好靚..

最尾點聖火好正..

整個開幕式可以用兩個字形容:"精彩"

希望中國同香港都加油..拎多D獎牌啦

~Disney Day~

Disney開左咁耐..我今日終於去到啦~

因為免費ge關係..要早d入去..

今日熱到死..如果唔係唔使錢..

我一定唔會揀夏天去呀~

我地真係有做足準備先去架..

好醒咁帶左寶礦力粉入去沖..

唔係中暑都似..入面話大唔大..話細唔細..

要行晒都幾係野..加上係咁流汗..有就溶既感覺~

又曬到頭痛..好累

不過又幾好玩ge..盡量投入係個童話入面

人都年輕d呀~但係真係好多自由行..

搞到好似係大陸咁~

我發誓以後唔玩刺激既機動遊戲..

可能年紀大啦..唔受得刺激呀~

我地盡量玩晒同睇晒所有野..

係就係趕d..不過咁先抵ma~

好彩冇落雨ja~..可以睇到靚靚煙花~真係好amazing~
今日真係好累..返到去成個散晒..

但係又好開心wo~只不過係見唔到mickey走黎走去law~